தற்போது அலுமினிய ஃபாயில் பேப்பர் பயன்பாடு அதிகரித்து விட்டது. வெளியூர் பயணம் சென்றாலோ, ஹோட்டலில் உணவு வாங்கினாலோ, இல்லை அலுவலகத்திற்கு சப்பாத்தி எடுத்து செல்லும் போது நாம் ஃபாயில் பேப்பரை அதிகம் பயன்படுத்துவோம். ஆனால், அதன் தீமைகளைப் பற்றி எப்போதாவது நீங்கள் யோசித்திருக்கிறீர்களா? ஃபாயில் பேப்பர் அல்சைமர் போன்ற நோய்களை உண்டாக்கும். ஃபாயில் பேப்பரில் உணவு உண்பதால் ஏற்படும் தீமைகள் பார்க்கலாம்.
அல்சைமர் ஆபத்து
அலுமினிய ஃபாயில் பேப்பரில் உணவை வைத்திருப்பது அல்சைமர் அபாயத்தை அதிகரிக்கிறது. சூடான உணவை அதில் வைப்பதன் மூலம், அதன் நச்சுக்கள் உங்கள் உடலுக்குள் எளிதாக நுழையும்.
பலவீனமான எலும்பு
ஃபாயில் பேப்பரை அதிகமாகப் பயன்படுத்துவதால் நமது எலும்புகள் வலுவிழந்து, ஆஸ்டியோபோரோசிஸ் போன்ற கடுமையான நோயால் பாதிக்கப்படலாம்.
சிறுநீரக பிரச்சனை
அலுமினியத் தாளில் உணவுப் பொருட்களைச் சுற்றி வைப்பது சிறுநீரகக் கோளாறுகளை உண்டாக்கும் என்பதும் பல ஆய்வுகளில் நிரூபிக்கப்பட்டுள்ளது. இதனால் சிறுநீரகம் செயலிழக்கும் அபாயம் கூட ஏற்படலாம்.
டிமென்ஷியா
சூடான உணவை அலுமினியத் தாளில் அடைப்பது அல்லது ஃபாயில் சுற்றி சமைப்பது டிமென்ஷியா போன்ற கடுமையான நோய்களின் அபாயத்தை அதிகரிக்கும்.
தொற்று ஆபத்து
அலுமினியம் ஃபாயில் தீங்கு விளைவிக்கும் நுண்ணுயிரிகளை ஊக்குவிக்கிறது. இந்த பேப்பரில் உணவுப் பொதியிடப்படும் போது, சில தொற்று உயிரினங்கள் உணவில் வளர ஆரம்பிக்கின்றன.
சுவாச பிரச்சனை
ஃபாயில் பேப்பரில் பேக் செய்யப்பட்ட உணவை தினமும் சாப்பிடுவதால், உடலில் தீங்கு விளைவிக்கும் கூறுகள் குவிந்து, ஆஸ்துமா போன்ற பிரச்சனைகளுக்கு வழிவகுக்கிறது. அலுமினியத்தின் பயன்பாடு நோய் எதிர்ப்பு சக்தியை பலவீனப்படுத்துகிறது.
நீரிழிவு ஆபத்து
அலுமினியம் படிப்படியாக அதில் வைக்கப்படும் உணவில் கலக்கப்படுகிறது, இது உடலில் துத்தநாகத்தை மாற்றுகிறது. இதன் காரணமாக உடலில் இன்சுலின் சமநிலையில் தொந்தரவு ஏற்படலாம். இதனால் சர்க்கரை நோய் வருவதற்கான வாய்ப்பும் அதிகரிக்கிறது.