பொதுவாக சிவப்பு பழங்கள் இதய ஆரோக்கியத்திற்கு ஒரு சுவையான பாதையை வழங்குகிறது. இவை இதய நோயை எதிர்த்துப் போராட உதவும் நார்ச்சத்துக்கள் மற்றும் ஆன்டிஆக்ஸிடன்ட்களைக் கொண்டுள்ளது. இதில் இதயத்தை வலுவாக்க உதவும் சிவப்பு உணவுகளைக் காணலாம்
தக்காளி
இது புதர்களில் வளரும் ஒரு பெர்ரி குடும்பத்தைச் சார்ந்ததாகும். இதில் லைகோபீன் அதிகம் உள்ள உணவுப்பொருளாகும். தக்காளி மற்றும் வேறு சில பழங்கள் மற்றும் காய்கறிகளின் நிறத்திற்கு லைகோபீன் என்ற ஆன்டி-ஆக்ஸிடன்ட் காரணமாகும். இது இதய ஆரோக்கியத்திற்கு நன்மை பயக்கும்
செர்ரி பழங்கள்
உலர்ந்த செர்ரி, புளிப்பு செர்ரி மற்றும் இனிப்பு செர்ரி போன்ற அனைத்தும் சுவையாக இருக்கக் கூடிய பழங்களாகும். இதில் ஆன்டிஆக்ஸிடன்ட்களான அந்தோசயினின்கள் நிறைந்துள்ளது. இவை இரத்த நாளங்களின் பாதுகாப்பிற்கு பங்களிப்பதாகக் கூறப்படுகிறது
ராஸ்பெர்ரி
இந்த பெர்ரி வகைகள் இதய ஆரோக்கியத்திற்கு சிறந்ததாகும். ராஸ்பெர்ரி போன்ற பெர்ரிகளை உட்கொள்வது வீக்கத்தைக் குறைக்கவும், ஆரோக்கியமான எடை மேலாண்மை, சிறந்த இரத்த அழுத்தம், குறைந்த எல்டிஎல் கொழுப்பு போன்ற பல்வேறு நன்மைகளுடன் இணைக்கப்பட்டுள்ளது
ஆப்பிள்கள்
ஒரு நாளைக்கு ஒரு ஆப்பிளை சாப்பிடுவது கெட்ட கொழுப்பைக் குறைக்க உதவுவதாகக் கூறப்படுகிறது. ஆப்பிள் சாப்பிடுவது குறைந்த இதய நோய் அபாயத்துடன் இணைக்கப்பட்டுள்ளது. மேலும், இதன் தோலில் ஆன்டிஆக்ஸிடன்ட்கள் உள்ளது. இதை சாறாக குடிப்பதற்கு மாற்றாக புதிய பழங்களாக சாப்பிடலாம்
ஸ்ட்ராபெர்ரிகள்
இது மிகவும் சுவையான மற்றும் இதயத்தை பலப்படுத்தக்கூடிய பழங்களில் ஒன்றாகும். இதில் உள்ள கரையக்கூடிய நார்ச்சத்துக்கள் மற்றும் பெக்டின் என்சைம் போன்றவை எல்டிஎல் கொழுப்பைக் குறைக்கிறது