உணவு சாப்பிட்ட பிறகு அஜீரணம் போன்ற செரிமான பிரச்சனைகளைச் சந்திக்கலாம். உணவுக்குப் பிறகு எளிதில் செரிமானம் அடைய சில தேநீர் வகைகளை அருந்தலாம். இதில் சாப்பிட்ட பின் செரிமானம் அடைய உதவும் தேநீரைக் காணலாம்.
புதினா டீ
இது வயிறு மற்றும் குடல் தசைகளை தளர்த்துவதன் மூலம் செரிமான அமைப்பை அமைதிப்படுத்துகிறது. இதன் மூலம் அஜீரணம் மற்றும் அமில வீச்சை எளிதாக்கலாம். இதற்கு, புதிய புதினா இலைகள் அல்லது தேநீர் பைகளை சூடான நீரில் 5 நிமிடங்கள் ஊறவைத்து, அதை குடிக்கலாம்
பெருஞ்சீரக டீ
செரிமானத்தை மேம்படுத்துவதில் பெருஞ்சீரகம் முக்கிய பங்கு வகிக்கிறது. இதற்கு கொதிக்கும் நீரில் 1 டீஸ்பூன் பெருஞ்சீரகம் சேர்த்து 5 முதல் 7 நிமிடங்கள் கொதிக்க வைத்து பிறகு வடிகட்டி குடிக்கலாம்
இஞ்சி டீ
இது இயற்கையாகவே அழற்சி எதிர்ப்பு பண்புகளைக் கொண்டதாகும். இது செரிமான நொதிகளைத் தூண்டுகிறது. இந்த தேநீர் தயார் செய்ய 1 கப் நீரில் 1 அங்குலம் துருவிய புதிய இஞ்சியைச் சேர்த்து, 5 நிமிடங்கள் கொதிக்க வைத்து, பின்னர் வடிகட்டி சூடாக குடிக்கலாம்
துளசி டீ
இது செரிமான ஆரோக்கியத்தை மேம்படுத்த உதவும் எளிய மற்றும் சிறந்த தேநீர் வகையாகும். 1 கப் வெந்நீரில் 1-2 சொட்டு துளசி சாறு சேர்த்து அருந்துவது உடலுக்கு மிகுந்த நன்மை பயக்கும்
கெமோமில் டீ
கெமோமில் அழற்சி எதிர்ப்பு மற்றும் ஆண்டிஸ்பாஸ்மோடிக் பண்புகளைக் கொண்டதாகும். இது அமில ரிஃப்ளக்ஸைக் குறைத்து ஆரோக்கியமான செரிமானத்தை ஊக்குவிக்கிறது. இந்த டீ தயார் செய்ய, கெமோமில் டீ பையை வெந்நீரில் 5 நிமிடங்கள் ஊறவைத்து குடிக்க வேண்டும்
தேன், எலுமிச்சை தேநீர்
தேனுடன் எலுமிச்சை சாற்றைக் கலந்து குடிப்பது வயிற்றை ஆற்றவும், வயிற்று உப்புசத்தைத் தடுக்கவும் உதவுகிறது. செரிமானத்தை மேம்படுத்த வெதுவெதுப்பான நீரில் 1 டீஸ்பூன் புதிய எலுமிச்சை சாறு மற்றும் தேன் கலந்து குடிக்கலாம்
டேன்டேலியன் டீ
இது பித்த உற்பத்தியை அதிகரிப்பதன் மூலம் செரிமான ஆரோக்கியத்தை மேம்படுத்த உதவும் சிறந்த தேர்வாகும். இது உடலிலிருந்து கழிவுகளை அகற்ற உதவுகிறது