ஒரு மாதம் வெங்காயம் சாப்பிடாமல் இருந்தால் என்ன நடக்கும் தெரியுமா?

வெங்காயத்தை ஒரு மாதத்திற்கு உணவில் எடுத்துக் கொள்ளாமல் இருந்தால், உடலில் சில மாற்றங்கள் ஏற்படலாம். இதன் பக்க விளைவுகள் இங்கே.

செரிமான பிரச்னை

வெங்காயத்தில் நார்ச்சத்து நிறைந்துள்ளது. ஆரோக்கியமான செரிமான அமைப்புக்கு இது அவசியம். ஒரு மாதம் வெங்காயம் சாப்பிடாமல் இருந்தால், உடலில் நார்ச்சத்து குறைய வாய்ப்பு உள்ளது. இதன் விளைவாக மலச்சிக்கல் மற்றும் பிற செரிமான பிரச்னைகள் ஏற்படலாம்.

அழற்சி எதிர்ப்பு பாதிப்பு

பொதுவாக வெங்காயத்தில் இருக்கும் அல்லிசின், குர்செடின், அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்டுள்ளன. எனவே வெங்காயத்தை எடுத்துக் கொள்ளாமல் இருந்தால், உடலில் வீக்கம் மற்றும் ஆக்ஸிஜனேற்ற அழுத்தம் ஏற்பட வாய்ப்பு உள்ளது. இது காலப்போக்கில் நாட்பட்ட நோய்களின் அபாயத்தை அதிகரிக்கும்.

ஊட்டச்சத்து குறைபாடு

வெங்காயத்தில் நம் உடலுக்குத் தேவையான பல சத்துக்கள் உள்ளன. எனவே இவற்றை ஒரு மாதம் சாப்பிடாமல் இருந்தால் ஊட்டச்சத்து குறைபாடு ஏற்படும்.

எதிர்ப்பு சக்தி குறையும்

வெங்காயத்தை ஒரு மாதம் எடுத்துக் கொள்ளாமல் இருந்தால், உடலில் உள்ள மாங்கனீஸ், பொட்டாசியம் போன்ற தாதுக்களுடன் வைட்டமின் சி, பி6 மற்றும் ஃபோலேட் குறைபாடு ஏற்படும் என்று கூறப்படுகிறது. இது பலவீனமான நோய் எதிர்ப்பு சக்தி, அதிகரித்த சோர்வு, இரத்த சிவப்பணுக்களின் உருவாக்கம் போன்ற எதிர்மறையான விளைவுகளுக்கு வழிவகுக்கும். அதுமட்டுமின்றி வெங்காயத்தை எடுத்துக் கொள்ளாமல் இருந்தால், அதில் உள்ள சில சத்துக்கள் கிடைக்காமல், வேறு சில உடல்நலப் பிரச்சனைகளை சந்திக்க நேரிடும்.

இங்கு உங்களுக்கு வழங்கப்பட்ட அனைத்து சுகாதார தகவல்களும் பரிந்துரைகளும் உங்கள் புரிதலுக்காக மட்டுமே. அறிவியல் ஆராய்ச்சி, ஆய்வுகள், மருத்துவம் மற்றும் சுகாதார நிபுணத்துவ ஆலோசனைகளின் அடிப்படையில் இந்தத் தகவலை வழங்குகிறோம். இவற்றைப் பின்பற்றும் முன் உங்கள் தனிப்பட்ட மருத்துவரின் ஆலோசனையைப் பெறுவது நல்லது.