தயிரில் உள்ள பண்புகள் ஆரோக்கியத்திற்கு மிகவும் பயனுள்ளதாக கருதப்படுகிறது. ஆனால், தயிருடன் சில உணவுப் பொருட்களை சேர்த்து சாப்பிடுவதை தவிர்க்க வேண்டும். தயிருடன் என்ன சாப்பிடக்கூடாது என்பதை பற்றி பார்க்கலாம்.
பால் மற்றும் தயிர்
தயிருடன் பால் சாப்பிடுவதைத் தவிர்க்க வேண்டும். இரண்டையும் சேர்த்து சாப்பிடுவதால் வாயு, அமிலத்தன்மை, வயிற்று உப்புசம் போன்ற செரிமான பிரச்சனைகள் ஏற்படும்.
இறைச்சி மற்றும் தயிர்
மக்கள் இறைச்சி தயாரிப்பதில் தயிரை பயன்படுத்துகிறார்கள். இது ஆரோக்கியத்திற்கு மிகவும் தீங்கு விளைவிக்கும். இது செரிமானம் மற்றும் தோல் தொடர்பான பிரச்சனைகளை ஏற்படுத்தும்.
தயிர் மற்றும் மீன்
தயிருடன் சேர்த்து மீன் சாப்பிட வேண்டாம். இதனால், அஜீரணம், வயிற்று வலி, வாந்தி போன்ற பிரச்சனைகள் ஏற்படலாம்.
தயிர் மற்றும் மாம்பழம்
தயிர் குளிர்ச்சியான தன்மையும், மாம்பழம் சூடான தன்மையும் கொண்டது. எனவே இரண்டையும் சேர்த்து சாப்பிடுவதை தவிர்க்க வேண்டும்.
தயிர் மற்றும் வெங்காயம்
பலர் வெங்காயத்தை தயிருடன் உட்கொள்கின்றனர். இது ஆரோக்கியத்திற்கு மிகவும் தீங்கு விளைவிக்கும். இதனால், வாந்தி, வாயு, அலர்ஜி போன்ற பிரச்சனைகள் ஏற்படலாம்.
தயிர் மற்றும் வாழைப்பழம்
தயிர் மற்றும் வாழைப்பழத்தை ஒன்றாக சாப்பிடக்கூடாது. இவை இரண்டையும் சேர்த்து சாப்பிட்டால் உடலில் சளி அதிகரிக்கும்.
தயிர் மற்றும் சிட்ரஸ் பழங்கள்
தயிருடன் புளிப்புப் பழங்களை உட்கொள்ளக் கூடாது. இது உங்கள் செரிமானத்தை கெடுக்கலாம். எலுமிச்சை, ஆரஞ்சு, கிவி போன்ற பழங்களுடன் தயிர் சாப்பிடுவதைத் தவிர்க்கவும்.