இஞ்சி தேநீரை சுவையாக மாற்றுவதுடன், பல உடல்நல பிரச்சனைகளில் இருந்து நிவாரணம் வழங்குகிறது. எனவே, நம்மில் பலர் இஞ்சி டீ மற்றும் இஞ்சி கசாயம் அதிகமாக உக்கொள்வோம். அளவுக்கு அதிகமாக இஞ்சி சாப்பிடுவதால் ஏற்படும் நன்மைகள் பற்றி இந்த தொகுப்பில் பார்க்கலாம்.
நீரிழிவு நோயாளிகளுக்கு தீங்கு
அதிகப்படியான இஞ்சியை உட்கொள்வது நீரிழிவு நோயாளிகளுக்கு தீங்கு விளைவிக்கும். இஞ்சியை மருந்துகளுடன் சேர்த்து உட்கொள்வது இரத்தத்தில் உள்ள சர்க்கரையின் அளவைக் குறைக்கும்.
வயிறு தொடர்பான பிரச்சனை
நீங்கள் இஞ்சியை அதிக அளவில் சாப்பிட்டால், அது வயிறு தொடர்பான பிரச்சனைகளை ஏற்படுத்தும். இது வாயு, வயிற்று உப்புசம் மற்றும் வயிற்று உபாதை போன்ற பிரச்சனைகளை உண்டாக்கும்.
இரத்தம் உறைவதில் சிக்கல்
இஞ்சியில் இரத்த உறைதலை தடுக்கும் ரசாயனங்கள் உள்ளன. எனவே, இரத்தப்போக்கு ஆபத்து அதிகரிக்கலாம். இரத்தத்தை மெலிக்கும் மருந்தை நீங்கள் எடுத்துக் கொண்டால், இஞ்சி உங்களுக்கு தீங்கு விளைவிக்கும்.
வயிற்றுப்போக்கு பிரச்சனை
இஞ்சியை அதிக அளவில் சாப்பிடுவதும் வயிற்றுப்போக்கை ஏற்படுத்தும். இஞ்சி குடல் இயக்கத்தை எளிதாக்குகிறது, ஆனால் அதை அதிகமாக உட்கொள்வதால் வயிற்றுப்போக்கு ஏற்படலாம்.
நெஞ்செரிச்சல் பிரச்சனை
இஞ்சியின் காரமான பண்புகள் உணவுக் குழாயில் எரிச்சலை அதிகரிக்கும். இந்நிலையில், உங்களுக்கு மார்பு வலி மற்றும் எரியும் உணர்வு போன்ற பிரச்சனைகள் இருக்கலாம்.
ஒவ்வாமை பிரச்சினை
உங்களுக்கு இஞ்சி ஒவ்வாமை இருந்தால், நீங்கள் அதை உட்கொள்வதை தவிர்க்க வேண்டும். அவ்வாறு செய்யத் தவறினால் சுவாசிப்பதில் சிரமம், தோலில் வீக்கம் மற்றும் அரிப்பு ஏற்படலாம்.
குறைந்த இரத்த அழுத்த பிரச்சனை
இஞ்சியை அதிக அளவில் உட்கொள்வது குறைந்த இரத்த அழுத்த பிரச்சனையை ஏற்படுத்தும். இரத்த அழுத்தத்தைக் குறைக்கும் மருந்துகளுடன் இஞ்சியை உட்கொள்ளக் கூடாது.