இந்த லட்டை எவ்வளோ சாப்பிட்டாலும் சர்க்கரை அளவு கொஞ்சம் கூட அதிகரிக்காது!

By Devaki Jeganathan
12 May 2025, 15:06 IST

தற்போது ஒவ்வொருவரின் வீட்டிலும் நீரிழிவு நோயாளிகள் உள்ளனர். இவர்கள் உணவில் அதிக கவனம் செலுத்த வேண்டும். அந்தவகையில், சர்க்கரை நோயாளிகளை காக்கும் சர்க்கரை இல்லாத மற்றும் அதிக புரதம் நிறைந்த லட்டு ரெசிபி ஒன்றை பற்றி பார்க்கலாம்.

ப்ரோட்டீன் லட்டு

இந்த சர்க்கரை இல்லாத, ப்ரோட்டீன் லட்டில் கொண்டைக்கடலை மற்றும் பாதாம் மாவு சேர்க்கப்படுகிறது. இவற்றில் புரத சத்து அதிகம். அதே போல, நார்ச்சத்து மற்றும் ஆரோக்கியமான கொழுப்புகள் நிறைந்துள்ளன. இது இரத்த சர்க்கரை அளவை கட்டுக்குள் வைக்கும்.

தேவையான பொருட்கள்

வறுத்த கொண்டைக்கடலை மாவு - 1 கப், பாதாம் மாவு - ½ கப், நான்கில் ஒரு பங்கு உலர்ந்த தேங்காய், நான்கில் ஒரு பங்கு நொறுக்கிய நட்ஸ், இரண்டு தேக்கரண்டி சியா விதைகள் அல்லது ஆளி விதைகள், நான்கில் ஒரு பங்கு பொடித்த வெல்லம் மற்றும் அரை டீஸ்பூன் ஏலக்காய் தூள்.

செய்முறை படி - 1

முதலில், ஒரு பாத்திரத்தை எடுத்து அதில் கொண்டைக்கடலை மற்றும் பாதாம் மாவைச் சேர்க்கவும். இரண்டு மாவையும், அது அடர் பழுப்பு நிறமாகவும் மென்மையாகவும் மாறும் வரை வறுக்கவும்.

செய்முறை படி - 2

இப்போது, வெல்லம் மற்றும் ஏலக்காய் தூளை மாவுடன் சேர்த்து சமமாக கலக்கவும். மேலும், தேங்காய், சியா விதைகள் மற்றும் நொறுக்கப்பட்ட கொட்டைகள் சேர்த்து ஒரு நிமிடம் வறுக்கவும்.

செய்முறை படி - 3

உங்கள் கைகளில் நெய் தடவி, லட்டு கலவையின் சிறிய பகுதிகளை எடுத்துக் கொள்ளுங்கள். பகுதிகளை சிறிய உருண்டைகளாக வடிவமைத்து ஒதுக்கி வைக்கவும்.

செய்முறை படி - 4

இந்த லட்டுகளை ஒரு தட்டில் வைத்து, குறைந்தது 20-30 நிமிடங்கள் குளிர்சாதன பெட்டியில் வைக்கவும். இது அவை கெட்டியாக இருக்க உதவும். பின்னர், சுவையான லட்டுகளை அனுபவிக்கவும்.

ப்ரோட்டீன் லட்டு நன்மைகள்

புரதம் நிறைந்த லட்டு சாப்பிடுவதால் பல நன்மைகள் உள்ளன. குறிப்பாக, இது வளர்ச்சி, எலும்புகள் மற்றும் தசைகள் வலுவடைவதற்கு உதவுகிறது. மேலும், இது உடலுக்குத் தேவையான வைட்டமின்கள் மற்றும் தாதுக்களைக் கொடுக்கிறது, இதனால் நோய் எதிர்ப்பு சக்தி வலுவடைகிறது.