எந்த ஒரு உணவையும் நாம் அளவுக்கு அதிகம் எடுத்துக் கொள்வது உடல் ஆரோக்கியத்தை பாதிக்கலாம். அந்த வகையில் அதிகளவு காபி குடிப்பதால் ஏற்படும் விளைவுகள் சிலவற்றைக் காணலாம்
உயர் இரத்த அழுத்தம்
அதிகளவு காஃபின் உட்கொள்வது, நரம்பு மண்டல தூண்டுதலின் விளைவாக இரத்த அழுத்த பிரச்சனையை ஏற்படுத்தலாம். இதன் காரணமாக மாரடைப்பு, பக்கவாதம் போன்ற பல்வேறு பிரச்சனைகள் வர நேரிடலாம்
இதயதுடிப்பு அதிகரிப்பு
அதிகளவு காஃபின் உட்கொள்வதன் காரணமாக ஏற்படும் தூண்டுதலால் அதிக இதயதுடிப்பு உண்டாகலாம். எனினும் இந்த பிரச்சனை அனைவருக்கும் ஏற்படாது. இதய நோய் பிரச்சனை உள்ளவர்களுக்கு இந்த பிரச்சனை ஏற்படலாம் எனக் கூறப்படுகிறது
வயிற்றுப்போக்கு
காபியில் உள்ள காஃபின், மலச்சிக்கல் பிரச்சனைகளைக் குறைக்க உதவுகிறது. எனினும், இதை அதிகளவு எடுத்துக் கொள்வது வயிற்றுப்போக்கு பிரச்சனையை ஏற்படுத்தலாம்
வாந்தி, குமட்டல்
அளவுக்கு அதிகமாக காஃபி எடுத்துக் கொள்வதால் வாந்தி, குமட்டல் போன்ற பிரச்சனைகள் வரும் நிலை ஏற்படலாம்
சதை பிடிப்பு
காஃபினை உட்கொல்வதால் சதை பிடிப்பு பிரச்சனைகள் ஏற்படலாம். இவை இரத்த ஓட்டம் தொடர்பான பிரச்சனைகள், சிறுநீரக செயலிழப்பு மற்றும் இன்னும் பிற பிரச்சனைகளை ஏற்படுத்துகிறது
சோர்வு
காபி, தேநீர் மற்றும் பிற காஃபின் கலந்த உணவுப் பொருள்களை அதிகம் உட்கொள்வது உடலின் ஆற்றல் அளவை அதிகரிப்பினும், அளவுக்கு அதிகமான காஃபின் மறைமுகமாக உடல் சோர்வுக்கு வழிவகுக்கலாம்
சிறுநீர் போக்கு
அளவுக்கு அதிகமாக காஃபின் உட்கொள்வதால் சிறுநீர்ப்பையில் ஏற்படும் தூண்டுதல்கள் அடிக்கடி சிறுநீர் கழித்தல் மற்றும் அவசரமான சிறுநீர் போக்கு போன்ற பிரச்சனைகள் ஏற்படலாம்
தூக்கமின்மை
பணிச்சுமை அதிகம் காரணமாக சிலர் புத்துணர்ச்சி பெறுவதற்கு காபியை அருந்துவர். இவை சோர்வைத் தடுப்பது மட்டுமல்லாமல் தூக்கமின்மை பிரச்சனைகளையும் உண்டாக்குகிறது