தினமும் ராகி மால்ட் குடிப்பது பல நன்மைகளை வழங்கும். இதனால் என்னென்ன நன்மைகள் உடலுக்கு கிடைக்கும் என்று இங்கே காண்போம்.
ஊட்டச்சத்து விவரம்
மற்ற தானியங்களில் இருப்பதை விட, ராகியில் 5-30 மடங்கு அதிகமாகவே கால்சியம் நிறைந்துள்ளது. இவை எலும்பு வலிமைக்கு முக்கிய பங்கு வகிக்கிறது. மேலும் இதில் பொட்டாசியம், பாஸ்பரஸ், இரும்பு போன்ற தாதுப்பொருள்களும் அதிகளவில் உள்ளது.
இதய நோய் நீங்கும்
சிறு தானியமான ராகி, உடலில் உள்ள டிரை கிளிசரைடுகளின் செறிவைக் குறைக்கிறது. மேலும், எல்டிஎல் என்ற கெட்ட கொலஸ்ட்ரால் அளவையும், அதன் ஆக்ஸிஜனேற்றத்தையும் தடுக்கிறது. ஏனெனில், கெட்ட கொழுப்பு ஆக்ஸிஜனேற்றப்படும் போது தொந்தரவை ஏற்படுத்தும்.
நுண்ணுயிர் எதிர்ப்புத் தன்மை
ராகியில் நுண்ணுயிர் எதிர்ப்புத் தன்மைகள் நிறைந்துள்ளன. இவை உணவை கெட்டுப்போகச் செய்யும் பாக்டீரியாவான பேசிலஸ் செரஸ், சருமத்தில் அரிப்பை ஏற்படுத்தும் ஸ்டெபிலோகாக்கஸ் ஆரிஸ் போன்ற பல்வேறு வகையான பாக்டீரியாக்களை எதிர்த்து செயலாற்றுகிறது.
என்றும் இளமை
சிறுதானியங்களான ராகி, வரகு போன்றவை முதுமையைத் தடுக்க உதவும் ஃபினாலிக் மற்றும் ஆன்டி ஆக்ஸிடன்ட்டுகளைக் கொண்டுள்ளது. மேலும் இதில் கொலாஜன் கிராஸ்-லிங்கிங் என்ற மூலக்கூறு குறுக்கு இணைவைத் தடுக்கும் பிரத்யேக ஆற்றல் உள்ளன.
புற்றுநோய் எதிர்ப்பு
ராகி ஆன்டி ஆக்ஸிடன்ட்டுகள் அதிகம் நிறைந்த சிறந்த தானியமாகும். ராகியின் மேற்புறத் தோலில் உள்ள ஃபினாலிக் அமிலங்கள், ஃபிளவனாய்டுகள் மற்றும் டான்னீஸ் போன்றவை சிறப்பான ஆன்டி ஆக்ஸிடன்ட் மூலக்கூறுகளைக் கொண்டுள்ளன.
நீரிழிவு கட்டுப்பாடு
நீரிழிவு நோயைக் கட்டுப்படுத்த ராகி உதவுகிறது. இதில் கார்போஹைட்ரேடுக்களுடன், அதிகளவு நார்ச்சத்துக்கள் நிறைந்துள்ளன. மேலும் இதில் நோயை எதிர்த்துப் போராடும் திறனுடன் முக்கிய காரணிகளைக் கொண்ட தாவரங்களில் பெறப்பட்ட ஃபைட்டோகெமிக்கல்ஸ் நிறைந்துள்ளன.
புரதச்சத்து நிறைந்தது
அரிசியுடன் ஒப்பிடுகையில் ராகியின் புரத அளவு அதிகமாக உள்ளது. சிலவகை ராகியின் புரத அளவு, அரிசியை விட இரு மடங்காக இருக்கலாம். முக்கியமாக இந்த புரதம் தனிச்சிறப்பு கொண்டதாகும்.