ஸ்வீட்கார்ன் ஆனது சர்க்கரை சோளம் என்றும் அழைக்கப்படுகிறது. இது அதிக சர்க்கரை உள்ளடக்கம் கொண்ட மனித நுகர்வுக்காக வளர்க்கப்படும் சோளமாகும். இந்த ஸ்வீட் சோளம் சாப்பிடுவதால் கிடைக்கும் நன்மைகள் என்னென்ன தெரியுமா?
செரிமான ஆரோக்கியத்திற்கு
ஸ்வீட் கார்னில் நிறைய நார்ச்சத்துக்கள் உள்ளது. இதன் கரையாத நார்ச்சத்து செரிமானத்திற்கு உதவுவதோடு மலச்சிக்கலை தடுக்கிறது. மேலும், எரிச்சல் கொண்ட குடல் நோய் உள்ளவர்களும் ஸ்வீட்கார்ன் சாப்பிடுவதன் மூலம் நிவாரணம் பெறலாம்
நீரிழிவு நோயைத் தடுக்க
ஸ்வீட் கார்னில் வைட்டமின் பி புரதம், கொழுப்பு மற்றும் கார்போஹைட்ரேட் போன்றவை வளர்சிதை மாற்றத்தை ஒழுங்குபடுத்துகிறது. ஸ்வீட் கார்னில் குறைந்த ஜிஐ உள்ளது. இவை நீரிழிவு நோயைக் கட்டுப்படுத்த உதவுகிறது
இதய ஆரோக்கியத்திற்கு
ஸ்வீட் கார்னில் ஒரு நல்ல கொழுப்பு அமில கலவை உள்ளது. இதன் மூலம் ஒமேகா-3 கொழுப்பு அமிலங்கள் தீங்கு விளைவிக்கும் கொழுப்பு அமிலங்களை அகற்றி மாரடைப்பு அபாயத்தைக் குறைக்கிறது. மேலும் ஒட்டுமொத்த இதய ஆரோக்கியத்தை ஆதரிக்கிறது
கொலஸ்ட்ராலை குறைக்க
இதில் கரையக்கூடிய நார்ச்சத்துக்களும் உள்ளது. இவை இரத்த ஓட்டத்தில் ஜெல் போன்ற பொருளாக மாறி, கெட்ட கொலஸ்ட்ராலை உறிஞ்சுகிறது. இதில் உள்ள கரோட்டினாய்டுகள் மற்றும் பயோஃப்ளவனாய்டுகள் போன்றவை கொழுப்பின் அளவைக் கட்டுப்படுத்துகிறது
ஆற்றலை அதிகரிக்க
ஸ்வீட் கார்ன் என்பது மாவுச்சத்து நிறைந்த தானியமாகும். இது மற்ற காய்கறிகளை விட அதிக ஆற்றல் கொண்டதாக அமைகிறது. இவை உடலில் செயல்திறனை அதிகரிக்க உதவுகிறது
பார்வையை மேம்படுத்த
ஸ்வீட் கார்னில் பீட்டா கரோட்டின் உள்ளது. இவை வைட்டமின் A ஐ உற்பத்தி செய்கிறது. இது சிறந்த பார்வையை ஊக்குவிக்கிறது. மேலும், இந்த கரோட்டினாய்டுகள் மாகுலர் சிதைவைக் குறைக்கிறது
இரத்த சோகையைத் தடுக்க
இதில் வைட்டமின் பி12, இரும்புச்சத்து மற்றும் ஃபோலிக் அமிலம் போன்றவை அதிகம் உள்ளது. இந்த ஊட்டச்சத்துக்களின் குறைபாடு இரத்த சோகையை ஏற்படுத்தலாம். எனவே, ஸ்வீட் கார்ன் சாப்பிடுவதன் மூலம் இரத்த சோகையைத் தடுக்கலாம்
கர்ப்ப கால ஆரோக்கியத்திற்கு
ஸ்வீட் கார்னில் ஃபோலிக் அமிலத்தின் அதிக செறிவு உள்ளது. இது உண்மையில் கர்ப்பிணி பெண்களுக்குப் பரிந்துரைக்கப்படுகிறது. எனவே கர்ப்பிணி பெண்கள் உட்கொள்ள வேண்டிய ஆரோக்கியமான உணவுகளில் ஸ்வீட் கார்னும் அமைகிறது