வறுத்த சூரியகாந்தி விதைகள் உடலுக்கு மிகவும் நல்லது. சூரியகாந்தி விதைகளில் அதிக அளவு புரதம், கால்சியம், இரும்பு மற்றும் துத்தநாகம் உள்ளது. இதை சாப்பிடுவதால் கிடைக்கும் பயன்கள் பற்றி இங்கே பார்க்கலாம்.
சிறந்த செரிமானம்
சூரியகாந்தி விதைகள் செரிமான அமைப்பை பலப்படுத்துகிறது. இது தவிர, கொலஸ்ட்ராலையும் கட்டுப்படுத்துகிறது.
இளமையான சருமம்
வறுத்த சூரியகாந்தி விதைகளை சாப்பிடுவதால் தோல் தொடர்பான பிரச்சனைகள் நீங்கும். மேலும், இதில் உள்ள ஆன்டி-பாக்டீரியல் பண்புகள் பருக்களை நீக்குகிறது. இதனை தொடர்ந்து உட்கொள்வதால் உங்கள் சருமம் இளமையாக இருக்கும்.
சர்க்கரை நோய்
நீரிழிவு நோயாளிகளுக்கு சூரியகாந்தி விதை மிகவும் நல்லது. இதை சாப்பிடுவதால் உடலின் கிளைசெமிக் இன்டெக்ஸ் குறைந்து, சர்க்கரை நோயைக் கட்டுக்குள் வைத்திருக்கும். இதற்கு விதைகளை வறுத்து சிற்றுண்டியாக சாப்பிடலாம்.
வலுவான எலும்பு
சூரியகாந்தி விதைகளில் அதிக அளவு கால்சியம் உள்ளது. இந்நிலையில், அதன் விதைகளை வறுத்து சாப்பிடுவது மிகவும் நல்லது. இது எலும்புகளை பலப்படுத்தும்.
இதயத்திற்கு நல்லது
சூரியகாந்தி விதைகளை உட்கொள்வதால் உடலில் உள்ள கெட்ட கொலஸ்ட்ரால் குறைகிறது. மேலும், இதில் உள்ள லினோலிக் கொழுப்பு அமிலம் இதயத்தை ஆரோக்கியமாக வைக்கிறது.
நல்ல நினைவாற்றல்
உங்களுக்கு மறதி அதிகமாக இருந்தால், சூரியகாந்தி விதைகளை வறுத்து சாப்பிடுங்கள். இதை சாப்பிடுவதால் ஞாபக சக்தி அதிகரிக்கும். இதில் அதிக அளவு ஜிங்க் உள்ளது, இது மூளையை கூர்மையாக்கும்.
இரத்த சர்க்கரை
சூரியகாந்தி விதைகளில் உள்ள சில சேர்மங்கள் உடலின் இன்சுலின் உற்பத்தியைக் குறைக்க உதவும். இது இரத்த சர்க்கரை மேலாண்மைக்கு உதவும்.