செரிமானம் சரியாக நடக்கவில்லை என்றால், உடலுக்குத் தேவையான சக்தியும் ஊட்டச்சத்தும் கிடைக்காது, இது பல உடல்நலப் பிரச்சினைகளுக்கு வழிவகுக்கும். செரிமானம் சீராக இருக்கு இந்த உணவுகளை சாப்பிடவும்.
நார்ச்சத்து நிறைந்த உணவுமுறை
நார்ச்சத்து செரிமான அமைப்பை ஆரோக்கியமாக வைத்திருக்க உதவுகிறது. உங்கள் உணவில் ஆப்பிள், வாழைப்பழம், ஆரஞ்சு, பப்பாளி, கீரை, கேரட், வெண்டைக்காய், கத்திரிக்காய் மற்றும், பட்டாணி, கடலை, பருப்பு ஆகியவற்றைச் சேர்க்க வேண்டும்.
புரோபயாடிக்குகள்
புரோபயாடிக்குகள் நம் வயிற்றில் உள்ள நல்ல பாக்டீரியாக்களை அதிகரிக்கின்றன. இது செரிமான செயல்முறையை மேம்படுத்த உதவுகிறது. உங்கள் உணவில் தயிர், மோர், லஸ்ஸி, கிம்ச்சி ஆகியவற்றைச் சேர்த்துக் கொள்ளலாம்.
இஞ்சி
இஞ்சி செரிமான அமைப்புக்கு மிகவும் நன்மை பயக்கும். இது வாயு மற்றும் வீக்கத்தைக் குறைத்து, வயிற்றுப் பிரச்சினைகளிலிருந்து நிவாரணம் அளிக்கிறது. நீங்கள் ஒரு துண்டு இஞ்சியை மெல்லலாம் அல்லது இஞ்சி தேநீர் குடிக்கலாம்.
எலுமிச்சை
எலுமிச்சையில் வைட்டமின் சி மற்றும் பிற ஆன்டி-ஆக்ஸிடன்ட்கள் உள்ளன, அவை செரிமானத்தை மேம்படுத்தி வயிற்றில் அமிலத்தன்மையைக் கட்டுப்படுத்துகின்றன. வெந்நீரில் எலுமிச்சை சாறு சேர்த்து குடிக்கவும்.
தண்ணீர்
தண்ணீர் குடிப்பது செரிமானத்திற்கு உதவுகிறது. இது உடலை நீரேற்றமாக வைத்திருக்கிறது மற்றும் உணவை ஜீரணிக்க உதவுகிறது. ஒரு நாளைக்கு குறைந்தது 8-10 கிளாஸ் தண்ணீர் குடிக்கும் பழக்கத்தை ஏற்படுத்திக் கொள்ளுங்கள்.
பேரிச்சம்பழம் மற்றும் வால்நட்ஸ்
பேரிச்சம்பழம் மற்றும் வால்நட்ஸ் ஆரோக்கியமான செரிமானத்தை பராமரிக்க உதவுகின்றன. அவற்றை உட்கொள்வது வயிற்றை லேசாகவும், செரிமானத்தை சரியாகவும் வைத்திருக்கும்.
நல்ல செரிமானத்திற்கு, சரியான உணவுடன், உணவு நேரம் மற்றும் சாப்பிடும் முறையையும் கவனித்துக் கொள்ளுங்கள்.