கோடையில் உருளைக்கிழங்கு சாப்பிடுவதால் உடலுக்கு பல நன்மைகள் கிடைக்கும். உருளைக்கிழங்கு நன்மைகள் குறித்து இங்கே விரிவாக காண்போம்.
ஊட்டச்சத்து உள்ளடக்கம்
உருளைக்கிழங்கில் வைட்டமின் சி. வைட்டமின் ஏ, பொட்டாசியம், இரும்பு, துத்தநாகம் மற்றும் மெக்னீசியம் போன்ற சத்துக்கள் உள்ளதால், உடலை ஆரோக்கியமாக வைத்திருக்க உதவுகிறது.
செரிமானம் மேம்படும்
கோடையில் உருளைக்கிழங்கு சாப்பிடுவது செரிமான அமைப்பை மேம்படுத்துகிறது. உருளைக்கிழங்கில் நார்ச்சத்து உள்ளது. இது மலச்சிக்கல், அஜீரணம் மற்றும் வாயு பிரச்னைகளை நீக்குகிறது.
கொலஸ்ட்ராலை கட்டுப்படுத்தும்
நீரிழிவு நோயாளிகளுக்கு உருளைக்கிழங்கு நன்மை பயக்கும். இதில் வைட்டமின் சி மற்றும் நார்ச்சத்து உள்ளது, இது கொலஸ்ட்ராலை குறைக்க உதவுகிறது. மேலும், உடலில் உள்ள இன்சுலின் அளவையும் குறைக்கிறது.
இதயத்திற்கு நல்லது
உருளைக்கிழங்கு இதயத்திற்கு நன்மை பயக்கும். இதில் உள்ள வைட்டமின்-பி, வைட்டமின்-சி, வைட்டமின்-ஏ ஆகியவை இதயத்தை ஆரோக்கியமாக வைத்திருக்க உதவும். அதுமட்டுமின்றி, இதை சாப்பிடுவதால் இரத்த அழுத்தமும் கட்டுக்குள் இருக்கும்.
தோலுக்கு நன்மை பயக்கும்
உருளைக்கிழங்கில் உள்ள வைட்டமின் சி தோல் தொடர்பான பிரச்னைகளை குணப்படுத்த உதவுகிறது. மேலும், அதன் பேஸ்ட்டை முகத்தில் தடவினால், முகப் பொலிவு அதிகரிக்கும்.
எடை அதிகரிக்கும்
நீங்கள் எடை அதிகரிக்க விரும்பினால், நீங்கள் உருளைக்கிழங்கு சாப்பிடலாம். உருளைக்கிழங்கில் புரதம் மற்றும் கார்போஹைட்ரேட்டுகள் காணப்படுகின்றன. இது எடையை அதிகரிக்க உதவுகிறது.