முடி உதிர்வால் அவதியா? இந்த வைட்டமின் குறைபாடு காரணமா இருக்கலாம்

By Gowthami Subramani
29 Jan 2025, 19:39 IST

ஆரோக்கியமான கூந்தலுக்கு பல்வேறு வகையான ஊட்டச்சத்துக்கள் நிறைந்த வைட்டமின்கள் தேவைப்படுகிறது. சில வைட்டமின் குறைபாடுகள் முடி உதிர்வுக்கு வழிவகுக்கலாம். இதில் முடி உதிர்வுக்குக் காரணமான வைட்டமின்கள் சிலவற்றைக் காணலாம்

வைட்டமின் பி1

தியாமின் அல்லது வைட்டமின் பி1 என்ற வைட்டமின் குறைபாட்டால் மயிர்க்கால்களுக்கு நிலையான ஆற்றல் கிடைக்காமல் போகலாம். இது புதிய முடியை உருவாக்க போராடும் பலவீனமான நுண்ணறைகளுக்கு வழிவகுக்கிறது

வைட்டமின் பி2

ரைபோஃப்ளேவின் என்ற வைட்டமின் பி2 குறைபாட்டால் மயிர்க்கால்கள் உட்பட, ஆற்றல் மற்றும் ஆரோக்கியமான திசுக்களை உருவாக்குவதில் சிக்கல்கள் உண்டாகலாம். இந்த ரைபோஃப்ளேவின் இரும்பு வளர்ச்சிதை மாற்றத்தை ஆதரிக்கிறது. இது உச்சந்தலையில் போதுமான ஆக்ஸிஜன் கிடைக்க உதவுகிறது

வைட்டமின் பி5

பாந்தோத்தேனிக் அமிலம் அல்லது வைட்டமின் B5 முடி இழைகளின் நெகிழ்வுத்தன்மை, வலிமை மற்றும் மயிர்க்கால்களின் ஊட்டச்சத்தை மேம்படுத்த உதவுகிறது. இதன் குறைபாடு காரணமாக முடி உதிர்தல் மற்றும் உடையக்கூடிய தன்மை போன்றவை ஏற்படலாம்

வைட்டமின் பி6

வைட்டமின் பி6 அல்லது பைரிடாக்சின் முடி வளர்ச்சி மற்றும் புரதங்களின் முறிவைக் கட்டுப்படுத்தக்கூடிய நரம்பியக்கடத்திகளுக்கு அவசியமாகும். இது ஹார்மோன்களை ஒழுங்குபடுத்த உதவுகிறது. இதன் குறைபாடு பலவீனமான முடி மற்றும் முடி உதிர்தலுக்கு வழிவகுக்கலாம்

வைட்டமின் பி7

முடி வளர்ச்சிக்கு கெரட்டின் இன்றியமையாததாகும். மேலும் இது வைட்டமின் B7 அல்லது பயோட்டினை சார்ந்ததாகும். பயோட்டின் குறைபாடு கெரட்டின் உற்பத்தியை சீர்குலைக்க வழிவகுக்கலாம். இது முடி உதிர்வு அல்லது உடையக்கூடிய, மெல்லிய முடியை ஏற்படுத்தலாம்

வைட்டமின் B9

ஃபோலிக் அமிலம் என்றழைக்கப்படும் வைட்டமின் B9 உயிரணு வளர்ச்சி மற்றும் பழுதுபார்க்க அவசியமானதாகும். இது முடி வளர்ச்சிக்கு முக்கியமானதாகும். ஃபோலிக் அமிலம் குறைபாடு பலவீனமான முடி, மெதுவான வளர்ச்சி மற்றும் மெலிந்து போக வழிவகுக்கலாம்